洗傷口 - (十一)

洗傷口 - (十一)

2016年 10月13日 星期四

啱啱係醫生度映，周醫生一睇個傷口係度驚叫，不斷重複話：「我好滿意我好滿意，上次我推斷要十二週至好番，上次我睇你時仲係一個窿，而家過左十週已經有咁既效果，我好滿意。」周醫生知道係老公同我每日同我洗傷口，話：「同我讚下佢。」

推斷應該係尋晚自己洗傷口時滅紗布個陣滅走咗d 新生既圍邊肉，即係白色個忽，所以由尋晚痛到而家，只係做日常動作郁到背脊手向前向後伸，都會拉到背部肌肉隱隱作痛，一碰到佢就痛，連行緊路都會痛。感覺就同上次粗魯捽損我一樣，但痛楚無咁深輕微d 。相比係手術後頭一個月，呢d 痛真係濕濕碎，我只係担心有無發炎至睇醫生，咁樣我會安心d 。

洗傷口 - (十)

洗傷口 - (十)

2016年 10月5日 星期四

係靚靚堅持下，我只能一星期返診所一次。頭先坐係度等，見到呀粗魯心都有d 驚驚，希望千祈唔好係佢幫我洗。

估唔到接我飛仔既，係一個素未謀面既肥胖姑娘，佢諗住同我洗，就係呢個moment，靚靚同溫柔都好似好悠閒咁企響度，靚靚見到我就截住佢話：「等我同佢洗。」

我話俾靚靚聽，傷口好咗好多。佢一輪嘴：「我都話要靠你自己啦，最緊要用完花灑後一定要淋凍滾水，呢個好重要，我發現用咗凍滾水效果好唔同。 」我話：「之前醫生話要三個月至好番，而家我諗兩個月就得啦！(我其實正在表示傷口復原快咗)。」但靚靚話：「你已經慢咗啦。你既新陳代比人地快，所以會有d 白色既野生出來，我教你做一個動作，每晚禁下個傷口，等d肉生得平均d 唔好凹凹凸凸，唔係舊肉會高咗上來。」

我感覺唔到姑娘有捽我既傷口，今日洗得超快。我有點疑惑：「洗完架啦？」靚靚：「洗咗啦。兩個星期後至返來，如果中間有咩問題就隨時返來啦。」今日唔單止唔覺痛，直情係無感覺，我只係覺得抹傷口咋。

情難自控

寫我心情 - 情難自控

2016年 10月4日  星期二

情緒又開始低落，難入睡不住發夢。自從换了新座位後，我不能再像從前一樣縮在一角，可以自主，如我沒有工作時，我就做私事去抗衡工作環境中的不公不義的人事，籍此平衡調較自己的情緒心理。

但調位後已在open和開放式空間，section head坐在最後，連他及其他人能隨時看到我的電腦屏幕和我正在做什麼，我什麼私隱也沒有了。

而隔隣則搬來了一個很吵的section，我最憎的一個高級八婆經理時常走到隔隣的section head高談闊論，哈哈大笑，一吵就一個鐘，吵得我心煩躁。自九月開始調位後，心態一直不平衡，未能適應新環境，我籍着手術後的病假，一星期兩天早走去洗傷口做逃避。

我這種狀態是硬食，亦是在我成長過程中所受的創傷屬其中一種，我天天起床後也不想上班。我不知道要多久我才能適應新的環境。