呀王的信

給友人的信 - 呀王的信

2014年 3月8日

剛發病時暈咗兩年，都5知自己患上情緒病，政府按咗個病名我叫”平衡綫神經發炎“，直到我無法聽電話，聲音出現問題，生活感到有困難，輔導要我睇醫生，仲記5記得上次我係公司啞咗好耐？原來都係情緒導致，食咗兩次放鬆葯已開到聲，同感冒無關。
原來身體病得太辛苦時，身体承受5到，情緒就會自動波整d奇形怪狀既野俾你，自己都5想，但又控制5到。

王 :「你老想著正面，你行的路會美好多。你老想著負面，你行的便是荊棘路。」

有邊個想思想負面呀，只係係潛意識入面，你俾人訓練到咁都冇辨法，我打個比喻：人肚餓既自然反應就係食野，而我肚餓就會嘔，好多野自己都5清楚，但喺呢兩年，d專家導師話俾我聽，点解我會咁咁咁，原因係因為咁咁咁。

好似上星期見完醫生，我先知我既底線「5尊重人5理人感受」又係媽俾我既禮物。

我好怕同人鬧交，因為鬧交對我來講，代表决裂，覆水難受。

當你同一個極度負面情緒，自私，5理人感受，覺得全世界既人都虧待佢，不退讓，報復心强，漫駡，無時無刻咒詛别人，包括我老豆家姐呀哥同自己，隣舍同親戚，隨時當街鬧你，命令你跟足佢做野，連抹地塊抹布要点包去d麈既方法都要跟足佢，總之佢想点你5跟佢，無論行為同思想，你就無好日子過，佢會企係你床邊，嘮叨駡你最低一粒鐘，最長5好講，迫到你就範為至此。

我呀爸成日飲醉酒，就係想醉到瞓到覺，呀媽最恐怖既的地方，5係閙完就算，係要清醒他記住佢講既一字一句，要你有反應為止。中學時我老豆當年幫我講咗一句好話「細路仔要慢慢教架。」就换來兩個鐘床邊鬧啦。

屋企出哂名，搬到邊就嘈到邊，隔離隣舍都怕咗我地，因為連佢地都無安寧日子過。
我成日好無助剩係識得喊，坐係上隔床度，睇住下面爸同媽鬧，哥同媽閙，姐同哥鬧，姐同媽鬧，總之就四個一切鬧。

媽癲狂將攞住菜刀對住家姐，家姐唯有拿住面盆保護自己，家姐5小心整攔咗佢隻鞋，佢就專登整攔家姐自己儲錢買既鞋，用較剪剪攔佢條裙。
所以我家姐同呀哥好早就走咗出去住，5好以為咁就平靜咗，我老豆一樣繼續受罪，有時飲到喊住要跳樓，我就要阻止佢。

爸爸有時捱5住半夜三更要出街揾時鐘酒店瞓，我都係，不過係去朋友家企瞓，呢d5係細個既事，個陣時我都廿五廿六啦。

屋企除咗鬧交聲，電視大大聲，佢要一路睇劇集鬧d衰佬外，屋企既收音機係一年365日全年無休，半夜都開住。佢又好鐘意睇大戲，細個成日被佢帶去陪佢睇，個d鈴鈴查查嘈到我頭都暈。
所以我5痴綫已經好好野，結婚後佢係咁侵掂我既私人空間，搞度我好忟憎。

上兩個星期同呀仔食飯，佢講5出係幾多歲既事，只係記得細個陣有段時候係婆婆度，婆婆令到佢好煩好忟，我就記得啦！三歲一星期咋就比我呀媽搞到佢情緒發癲，仔日日返到屋企都發忟憎，我無鬧呀仔，知道係咩事，即刻5俾佢揍，其實呀仔每日只係暫託三粒鐘就已經搞成咁。

輔導話其實每個人都有收覆負面情緒，自我安慰既功能，但我既功能就封咗塵，負面個邊就極度敏感異常發達，因為係成長中，日日都有人刺激我，5安全又嘈既環境中生活，所以我要用好多力量令自己平静安穩。

我5會由得自己負面落去，只係一隻方型既碗要變成一隻圓型既碗，制作要需時，我將來一定做到，只係，我需要比別人多幾倍既時間去沉澱消化。

所以我對細路仔既心靈健康好着緊，我好感恩自己既付出，總算有頭正常既家。

王 : 「多謝你分享了你的生活片段。父母兄姐冇得揀，但可以揀自己想要過的生活。如果你硬要將過去的痛苦及怨恨成為現在生活一部分。都係個句，只有自己才會幫到自己。跳出傷痛的框框，要很大的力量及勇氣。一起努力。共勉之。

人腦好神奇。你預咗輸你一定輸。你想着嬴，你一定得到。我太太的病友都有癌入骨。會被痛節磨至死為止。打嗎啡都冇用。我太太贏咗。她臨去的一刻很安詳。面上沒有泛着痛楚的表情。」