不能表達的憤怒

康復之路 - 不能表達的憤怒

2014年 7月25日 星期五

「 我今日俾人打壓我改假，一日假都要 plan 仲唔俾改，好精神虐待。
我尋晚心口已經痛，今晚崇拜狀態好差，頭先祈禱會，你地講野d 聲好似有回音咁，好爆。落到樓下行去車站，自己行錯咗成條街都唔知，心口好翳悶。

頭先打電話揾咗姊妹傾，傾完都係好唔舒服，跟住就係咁喊，我入面好嬲怒，但我表達唔到個種好辛苦同複雜既感受，什至乎係d 乜野令我咁辛苦，我都唔係好清楚，總之就係想喊，心口唔舒服。」

廖牧着我用筆寫出來。

我嘗試回想那份激怒，像火山口爆炸般一觸即發。

「被打壓、以強權控制别人、愛怎麽做就怎樣做、從不理會人感受、自私、眼中只有自己、自己總是對的，別人總是錯的、有强權無公理、精神虐待。」

「無辜、感到被操控，活像在牢獄中、時常被監測、行動無自由、無選擇、受困、無助、硬食、無能力改變狀況、感到困擾、被迫每天面對厭惡黑人憎的嘴臉無法逃走。」

我很害怕這種真實存在過的生活經驗，我體內的每條神經線，億仟個細胞與潛意識，都非常敏感地，把我那些過往已遺忘的恐懼、被抑壓的憤怒、無助的空虚感、孤單軟弱無力、傷心、對環境感到無奈……一次過以「無法表達」的姿態襲擊我，大大地刺激着我。

總括一句：他挑起了我的童年陰影，那些年，活得非常痛苦的日子。

「我最怕既係唔知自己而家係乜野狀態度，唔知乜野刺激到我。心態懵但生理唔懵，會用身體告訴我訊息，整d 古靈精怪既野出來，由六月第二個禮拜左右，我開始有24小時不停既耳鳴出現，好辛苦。

睇咗專科，睇咗自己既家庭醫生，連政府心理醫生都一致認為，係情緒出咗問題。愈靜既地方，像蟬聲高頻率音域就愈大聲，都唔知幾時至肯停。」

剛剛做完耳鳴檢查，已排除是生理問題，聽力正常。其實我心底裡是知道的，不過耳鼻喉科的勞醫生認為，正規的檢查程序還是要做的。