洗傷口 - (十二)

 洗傷口 - (十二)

2016年 11月2日 星期三

傷口已好得七七八八，只差一小塊就完全康復了。上星期去診所，靚靚和溫柔都不在只見粗魯，她見到我傷口上又被一層黄色異物覆蓋着，就用拑子取走它，今次一點也不疼痛因為它太微少了。之後，每晚沖涼除去紗布時，總會見到那一小塊黄色漬黏在紗布上。雖然離完全康復已不遠矣，但這小小的傷口像沒完沒了似的，仍要耐心等待天天淋凍滾水換上新紗布。

今日再去診所，靚靚和溫柔在別處工作不在房間，迎面而來是位胖姑娘和一個戴眼鏡新臉孔的。我問了一連串的問題，可能因為這樣姑娘忘了給我拍照，姑娘話現在深色新生的皮膚慢慢會變回正常色素。當我整理好衣服揭開帳篷時，靚靚見到我：「咦！係你呀？」，「係呀，我好剩塊皮咋！」，我詢問靚靚可否請她們吃蛋糕，請示過後我暗暗地點了人數就去買，兩件芒果布丁、一件藍苺芝士、草苺士多啤梨朱古力慕絲各一件。

我折返回診所，靚靚正在講電話，她們要靚靚收下，靚靚見到蛋糕好驚喜，除了說多謝還喚我：「儍豬來既！」。因為是政府部門的關係必須留下饋贈者名字，我把收據交給靚靚影印。當她知道我傷口未影相時，她叫胖姑娘幫我補影順道望一望我的傷口。「唔洗再來啦，繼續用凍滾水淋佢，當初你嚟個陣個傷口又大又深，而家咪幾好囉，我以你為榮呀！」可惜溫柔不在，未能親自說聲多謝。