Meditation 冥想練習

牧師之話 - Meditation 冥想練習

2017年 2月21日  星期二

由於最近日日發惡夢，仲要係好惡果隻，乾屍噴血乜都有，真係有點影響生活，逐向牧師求救，佢教咗我以下方法。

1. 做meditation(冥想) 每日可以做兩、三次，每次做幾分鐘便可。

2. 臨瞓前做，幻想一個平靜的畫面，可以係面對一個海；可以係一個曾經令你開心的畫面或片段，stay係果種感覺上面，留意身體那部分有感覺。如果覺得身體某部分放鬆咗，就停係果度。

3. 無辦法可以停止陰暗面(發惡夢)出現，佢既力量太強大，而你本身又咁敏感同脆弱。你正面既力量唔夠cover，唯有做多d 練習改善。

4. 人放鬆咗呢d 野(陰暗)就會容易浮上來。

5. 改變得兩種，一係環境變，但你又無得變，咁唯有自己變。


1) 無須分析找原因，記事，靈從那裡來
2) 崇拜是帶喜樂的心，罪已赦免
3) 靠自己，深呼吸，多做練習減低激動
4) 小孩生活，食玩瞓
5) 單純信
6) 放棄價值觀念
7) 平常心做好事
8) 保持距離，轉移視線
9) 我快樂上帝也快樂

1) 惡夢，我想佢死，黑暗面，耶穌的救贖
2) 一個月停留在黑暗面，抑鬱，想死，批判緊自己，不敢返崇拜
3) 崇拜想喊
4) vc激動我，雜念，講story
5) 王story，被激動，慣左受驚？問上帝恩賜，價值觀念，依賴被提醒，沉溺於激動？要學control，固執於靈出自上帝

2017年2月份夢境

發夢日 - 親子決裂
2016年 12月31日 星期六
我尋晚心情很好呀！但点解我會發咗個惡夢，係同呀仔感情決烈的劇情，是他小時候的事，塲境和情節都不真實，但情感的創傷和經驗就同真實一樣，就像要我再經歷一次，個夢斷下醒下，續夢難停我想喚醒自己都唔得，最後工人姐姐叫醒我。
但醒後在夢裡的驚恐餘感未消，於是我慢慢呼吸然後再食粒鎮靜劑。
今次藥後反應正常番啦，上次食粒5會上㽼既長效鎮靜劑控制到驚恐但就5眼瞓，今日食番同一粒葯反應好似飲醉酒咁。

發夢日 - 乾屍
2017年 2月6日  星期一
因為美玲的關係，發夢見乾屍。
那個地方將被清拆，那兒有狗又有人，我分別安排找人安置他們。不知道出了什麼亂子，在被接走之前出了亂子，現塲一片混亂，本來狗兒只有一頭，我卻發現現場地上至少有七至八塊白色的乾屍狗皮，形狀就如那些虎皮標本式製成的地氈一樣。

發夢日 - 日本 311海嘯
2017年 2月16日  星期四
自哥哥離世後的第八年，昨晚才正式首次和吳校長食飯見面，言談間總會圍繞着哥哥的往事而侃侃而談。整晚我的心情顯得很平靜，即使回家後情緒也是十分平和，沒有丁點兒波浪，安靜入睡。但，我的身體實在是部敏感機器，連當事人也不知道究竟受了什麼刺激，發了個死亡惡夢。
那幅幾十米高的高牆，連同整幢房子和雜物，以九十度角度直捲覆蓋衝過來，我今本無時間看清楚那幅高牆究竟是水還是沙製造而成的，我連拔腿就跑的機會也沒有，就在電光火石一二秒之間，腦中只有一句話：「神要把我接走啦？」。
夢醒，好驚！我覺得自己正經歷着日本311海嘯，那份接近死亡的感覺非常迫真，我知道驚恐要來了，立刻吃粒鎮靜劑跳回上床去，直睡至下午四時才醒來，但心口那份疼痛卻揮之不去。
最近胸口痛的頻繁程度已成為生活裡的一部分， 而死亡夢境亦反映着情緒處於不穩定的狀態中，今天嘗試做催眠卻不果，大概是疏於練習之故。

發夢日 - 車禍斷肢
2017年 2月20日  星期一
尋日老公放假，行程係：
食早餐 > 鰂魚涌行山 > 鯉景灣下午茶 > 晚飯 > 睇戲
整日心情愉快，點解今朝又夢見有人車禍，兩個人斷腳截肢流血咁恐怖既？
我人在車禍現場，那兩個男人的下肢小腿都斷了肢，紅紅鮮血圍在傷口處，地上有一灘血跡。

發夢日 - 士兵噴血
2017年 2月21日  星期二
今早清晨曾醒過來後再回睡，就發惡夢了:
那房間有三大廁門，我不知道為何被迫地罰站在那兒，我只知道我們這些排着隊的人，將會逐一被拉出去行刑或者受虐。
有個士兵站在我面前，在他自己的中指和無名指貼近手掌的位置，用刀飛快地「片」埋去，血，當場成了一個又高又大的半圓週形狀飛濺噴出來，血液有如刎頸到大動脈一樣。我被嚇得呆住了不懂反應。

發夢日 - 壞人死
2017年 2月24日  星期五
今朝發了惡夢，但不算太惡，有個壞人死去沒有見血的。
廖仲駒 : 無做meditation咩？
我 : 有呀。
我 : 唔知係米尋晚太攰，集中得唔夠好以致影響效果。
廖牧: 都會有影響的；不過你的情況可接受的，起碼你自己都接受到。
我 : 又無血又無屍體已經很好，我既要求愈來愈低啦。

發夢日 - 狗仔被偷
2017年 2月25日  星期六
夢見成堆狗仔被班壞靚仔偷走咗，我個隻仲係行動不便既老狗，等了又等終於被尋到送返來。不過隻狗隻係新來既，所以對我仍抗拒，未建立到親密關係。
夢本身雖然都係負面但結局係好既。
廖牧 : 自己對抗自己！
我 : 你既意思係：睡前冥想狀態影響緊慣性潛在的負面思想模式，對嗎？
廖牧 : 唔係！系妳的夢反映岀妳自己！

福音分享

靈修分享 - 福音分享

2017年 2月2日  星期四

最近的一次經驗讓我覺得，上帝可以隨時、隨意、任何時間使用任何一個信徒，包括我。我每天還是說髒話，口舌招搖講衰野思想污穢，雖然如此，祂仍用我，不是因為我對聖經了解有多深，行為有幾敬虔，而是信念，單純相信的信念。

講述信仰的時候，我很平靜，腎上線無飆升，非常隨意地對答。回想過往，對別人情感的回饋我總是從後趕上，像路遙知馬力。也許是我人慢熱又也許是時機未到，who know！

俾廖牧「炳」完後，我不再鑽牛角尖了，已經唔需要用「上帝使用我」來肯定自我價值，祂揀選我成為女兒，這就是我的價值，其實本來就應該如此簡單，係我將佢複雜化咗。

Bonnie覆我：你不是慢熱、你是很敏感的人、處事亦很敏捷、只是你對自己要求高阿！