喜悦之淚

康復之路 - 喜悅之淚

2012年 9月29日

這一刻的心情複雜得難以形容，既喜且悲，口裡不住感謝上帝，眼淚同時不住地流，沒法抑止，激動得手震身子發抖，面部肌肉跳。

我心急得在催眠中用五聲喚醒自己，哭着撥電話給廖牧，分享我找到部份聲音困擾之成因。

我：「牧師，我好開心，頭先係催眠度揾到我怕1083、credit card 電話錄音既原因啦，因為呀媽係電話度都要控制我，當佢要講一件事俾我聽時，例如形容爸爸點樣唔舒服，要我點做點做.....佢可以唔停咁講十分鐘，所以我好怕家姊、或者其他人係電話度同我講d雞毛蒜皮既事。我怕電話錄音， 因為佢要嗡一大揪野要我硬食我無得揀。但毆瑞强、陳芳榮同維他奶，未揾到原因，我再聽時佢地既聲音時，由低音變高音時難受，維他奶第一個音，你，你....我已經覺得好高音。」

「另一個畫面係：我係地鐵月台度見到圓形的擴播咪，就同舊屋既收音機圓形播孔一樣，所以潛意識已經識別咗佢地係埋一齊。」

牧師：「你而家揾到原因係係你呀媽度黎，咁會易做好多，你既然知道源頭，以後就唔再怕佢地，再約個時間上黎做。你既潛意識强壯咗，所以你先至揾到。」

我：「我好開心但又覺得自己好可憐，佢不斷影響緊我唔同既生活層面。 」

第二個電話是打給Bonnie，她聽見我哭聲被嚇了一跳，我叫她不用担心我，這是喜悅的眼淚。「所以你以後千祈唔好叫我原諒佢，我以後可以更肯定我自己，無須要對佢內疚，我自由了，我而家已經係自在當中，我可以更自在了。」

我whatapps 給廖牧：「 牧師，我喊到收唔到聲，喊到震，又係喜又係悲，都唔知應該喜定應該悲，心情好複雜。因為潛意識強壯咗所以揾到答案，好似揾番d幾十年黎唔見咗既野咁開心，但另一方面亦覺得自己好可憐，被折磨咗幾十年，佢好恐怖，佢呢種控制人既人真係好恐怖。我塊面激動到而家都仲跳緊。 」

廖牧：「一個人自覺可憐、他真的是可憐！除非自己可以叫自己有好處，不然妳是可以選擇怎樣看自己。佢已經好恐怖咁控制了妳幾十年、現在和未來的日子、妳還要受她控制嗎？ 」

我：「今日或者會比較難過，就好似上次第一次係催眠度見到收音機一樣，但呢種震驚總會過既，我相信自己亦相信你同上帝既醫治，我將會生活得更自由自在，同有選擇性既生活。」

上帝把我醫治釋放，重整我的生命，衪說：「勞苦重擔的人到我這裡來，必得釋放。」這話是不錯的。