洗傷口 - (九)
2016年 9月29日 星期四
果然，經診所粗魯姑娘狠捽一番後，又痛到我叫救命啦！
傷口出咗d肉無咁深啦，屋企自己都無痛，只係返姑娘度就會痛。
今日不敢去洗傷口，仲係有唔舒服，驚又遇着粗魯捽損。
老公話傷口埋得好靚，仲有3mm深就可以平頂，由1cm深等到而家3mm深真係好不容易，不過要面層皮膚生返出來而底層肌肉又完整就唔知要幾耐。
2016年9月29日 星期四
2016年9月26日 星期一
洗傷口 - (八)
2016年 9月26日 星期一
診所共有三個專負責洗傷口的姑娘，我暗地裡替她們改了花名，靚靚、温柔和粗魯。
頭兩個都是温柔的，捽下停下，聽見你嗌會停一停問下你，「點呀？好痛呀？」，「頂唔順可以停下，唔使一次過架喎。」或者：「無晒聲係米暈咗呀？」咁我可以抖幾秒嘛。但粗魯就不停咁捽，我不停重複咁嗌：「好痛呀！」你有你叫佢有佢捽話之你死，真係好鬼粗魯又捽得夠狠，食咗止痛藥等如無食過。
睇番佢捽完我之後果張相，果然係紅當當一片，唔好話無晒d 黄色分泌物，連側邊白色既新肉都捽走埋，乾淨得遠遠拋離呀靚靚同温柔。
結果我痛咗兩日，痛到連工都唔想返，行路速度似足呀婆。
2016年9月14日 星期三
洗傷口 - (七)
洗傷口 - (七)
2016年 9月14日 星期三
經過咋天又哭又叫的一塲洗傷口戰役後，今日整個人都頹了下來精神不振，背部傳來隱隱作痛，走路也是慢慢地走。今日再返診所，姑娘見我傷口的分泌物少了，知道昨晚我們做對了，所以今日沒有在傷口處捽得那麼厲害，但依然感到痛楚。我心情沮喪除了每天要捱痛外，還有周醫生跟我提過，我的傷口康復程度是斷週計，要完全康復大概需時二至三個月。
由做手術至今才十三天而已，已令我這般難受，這令我想起那些重病者的心情。若果我們害感冒了，康復是斷日計；而我這種受外創造成的傷口是斷週計；癌症病者則是斷年計的；而那些長期病患者更是日復日年復年毫無盼望毫無康復期可言。沒有盼望只有無盡的打針吃葯輪街症什至行動不便，他們早晨期待黑夜，黑夜期待早晨，又或在黑夜中徹夜不能眠只能哀哼痛苦呻吟。我這人無耐性每天捱一次痛已經在呱呱嘈，若我是長期病患者，又或是因病需長待在醫院裡，真的寧願乾脆死掉算了。
信仰上我們常鼓勵弟兄姊妹要有「盼望」，無論得時不得時，在困苦中在落難中，只有憑着信心必定靠主得勝。話是這般講但過程又如何？對於在水深火熱的肢體而言，每天也活得不容易。呻了又如何聽了祝福又如何？身體蹂躪心靈，心靈又摧毀身體，互相交替。
盼望裡不一定要堅強胆壯，有時誇口自己軟弱，無助地呼求呀爸父要求體恤憐憫，依靠祂陪伴度日，更貼近人性的表現。盼望如落在觸得到摸得到看得到的事情上，必叫人灰心喪志，但叫受苦中的弟兄姊妹盼望的終站是在天家又像是離了地。信仰充滿神性與人性兩者皆兼備，正如主耶穌活在地上時，既顯神蹟又作實際的醫治。我們需要求神給我們智慧，去走這條屬世短路。
2016年9月13日 星期二
2016年9月12日 星期一
洗傷口 - (五)
洗傷口 - (五)
2016年 9月12日 星期一
經過自己沖洗兩晚傷口後，今日終於要再見姑娘啦，由於上次比另一個粗魯既姑娘用紗布捽到我好痛，今日都有小小驚又係佢。
一入房靚靚姑娘見到我：「係你呀，等我來啦。」因為我需要到診紙，溫柔姑娘對我話：「咁快返工啦？」
靚靚一睇到我個傷口：「嘩！點解又一浸黄色野架？你飲過魚湯呀！」我話無。「你d新陳代謝咁快？我係筲箕灣遇見一個同你一樣既。嗱，我而家乜都無落，剩係用紗布幫你捽。一定要捽走黄色液體。」又話：「我而家要落鉗呀。」我痛到雪雪聲。「而家見番紅色啦。」我話老公唔敢幫我捽咁大力驚整親我。靚靚話：「唔好怪佢佢已經好叻架啦。」靚靚教我：「貼紗布時用最低果浸，貼係傷口底部，咁搣出來既時候可以拎走埋d黃色野。」
雖然今日係靚靚洗，但都好痛。我無晒心機，每日一痛，每次去診所都咁痛。個日周醫生同我講，我既康復程度唔係斷日計，係斷星期計，即係我仲有排捱。
2016年9月8日 星期四
小學敘會
童年·少年·憶 - 小學敘會
2016年 9月8日 星期四
今晚的小學敘會，我是專程會見一位四十多年無見，小學階段時的老死同學。
她一見我就尖叫着：「嘩！呢個係以前對我最好的。」並擁抱着我。大家都記得最後一次見面，是在她婆婆家。
「你媽還是那麼火嗎？你媽好衰的，不讓你去畢業宿營，我還叫我媽試着去求你媽，希望讓你去，我打電話給你，你媽竟然不給你聽cut我線，真可惡！」我記得，因為我沒有去畢業營，結果人家去玩四天，我就和全不認識的上午班下午班的同學被編在一班，四天都正規地上學。我記得，那種不愉快的心情。卻不知道原來媽媽不讓我聽電話這種無理的事情。媽媽的可惡又豈只是小學呢！無論是小學中學的同學仔，凡接觸過她的都留下不好的印象，謂樣子兇惡很怕她。但同學仔還是補充一句：「那始終是你媽。」
談近況總會牽涉家人，我如實地輕輕帶過，但我知道這麼一提今晚必定害失眠。畢竟同學仔無心之言觸動到內心至痛之處。那些久遠的記憶；難過的心情；被控制干預自由的委屈，生活中充斥着無力感……所有情緒都湧上心頭，久久不能平伏。
今晚，難過了……
我哭了一會兒，想起牧師的說話：「你已經長大了，你有能力保護自己，你媽已不能再傷害你了。」好！就讓自己把情緒發洩出來，吃顆藥好好地睡一覺，希望明天心情回復正軌，好好地活。
2016年 9月8日 星期四
今晚的小學敘會，我是專程會見一位四十多年無見，小學階段時的老死同學。
她一見我就尖叫着：「嘩！呢個係以前對我最好的。」並擁抱着我。大家都記得最後一次見面，是在她婆婆家。
「你媽還是那麼火嗎？你媽好衰的，不讓你去畢業宿營，我還叫我媽試着去求你媽，希望讓你去，我打電話給你，你媽竟然不給你聽cut我線，真可惡！」我記得，因為我沒有去畢業營，結果人家去玩四天，我就和全不認識的上午班下午班的同學被編在一班，四天都正規地上學。我記得，那種不愉快的心情。卻不知道原來媽媽不讓我聽電話這種無理的事情。媽媽的可惡又豈只是小學呢！無論是小學中學的同學仔，凡接觸過她的都留下不好的印象，謂樣子兇惡很怕她。但同學仔還是補充一句：「那始終是你媽。」
談近況總會牽涉家人，我如實地輕輕帶過，但我知道這麼一提今晚必定害失眠。畢竟同學仔無心之言觸動到內心至痛之處。那些久遠的記憶；難過的心情；被控制干預自由的委屈，生活中充斥着無力感……所有情緒都湧上心頭，久久不能平伏。
今晚，難過了……
我哭了一會兒，想起牧師的說話：「你已經長大了，你有能力保護自己，你媽已不能再傷害你了。」好！就讓自己把情緒發洩出來，吃顆藥好好地睡一覺，希望明天心情回復正軌，好好地活。
2016年9月7日 星期三
洗傷口 - (四)
洗傷口 - (四)
2016年 9月7日 星期三
今日溫柔姑娘不在，靚靚一見我就同我洗啦，佢見我濕髮知道我洗了頭，費時整汚糟我叫我趴起凳做。
靚靚唔肯同我影傷口，話而家個傷口已經唔係好似當初咁黑色，影來都無分別。
「你今朝有無洗佢呀？其實而家我做唔到野架啦，要靠你自己洗，最好每日洗兩次，咁佢至會好得快d。」
每次靚靚都會當我實驗品咁介紹俾其他姑娘睇，叫我拎手機內第一次到診所來果張黑蚊蚊乜野都未做過時個傷口來睇。通常d姑娘既反應都係很驚奇，傷口點解可以係黑色。
靚靚一面洗一面同果個姑娘講：「嗱，你睇下呢d，佢個身陳代謝係有d怪架，佢身體自己產生出來，所以一定要靠佢自己仲洗，bleeding係唔緊要既，佢呢度bleed緊啦。」跟住同姑娘講咗一堆英文名稱既物料。我感覺到佢用d野塞入個洞口度索緊d野。
靚靚對我話：「而家我唔同你落黄豆，只係用紗布塞住佢，你自己洗時記得掹走塊紗布，如果你地唔夠胆捽就剩係用水沖佢，傷口核突我明你地既感受，噴完水用涷滾水再淋，用紗布索乾佢乜都唔落，蓋上紗布貼膠紙，後日返來之前自己沖先完至返來見我。」
由於今日有食止痛葯，離開診所就無問題。
2016年 9月7日 星期三
今日溫柔姑娘不在，靚靚一見我就同我洗啦，佢見我濕髮知道我洗了頭，費時整汚糟我叫我趴起凳做。
靚靚唔肯同我影傷口，話而家個傷口已經唔係好似當初咁黑色，影來都無分別。
「你今朝有無洗佢呀？其實而家我做唔到野架啦，要靠你自己洗，最好每日洗兩次，咁佢至會好得快d。」
每次靚靚都會當我實驗品咁介紹俾其他姑娘睇，叫我拎手機內第一次到診所來果張黑蚊蚊乜野都未做過時個傷口來睇。通常d姑娘既反應都係很驚奇，傷口點解可以係黑色。
靚靚一面洗一面同果個姑娘講：「嗱，你睇下呢d，佢個身陳代謝係有d怪架，佢身體自己產生出來，所以一定要靠佢自己仲洗，bleeding係唔緊要既，佢呢度bleed緊啦。」跟住同姑娘講咗一堆英文名稱既物料。我感覺到佢用d野塞入個洞口度索緊d野。
靚靚對我話：「而家我唔同你落黄豆，只係用紗布塞住佢，你自己洗時記得掹走塊紗布，如果你地唔夠胆捽就剩係用水沖佢，傷口核突我明你地既感受，噴完水用涷滾水再淋，用紗布索乾佢乜都唔落，蓋上紗布貼膠紙，後日返來之前自己沖先完至返來見我。」
由於今日有食止痛葯，離開診所就無問題。
2016年9月6日 星期二
洗傷口 - (三)
洗傷口 - (三)
2016年 9月6日 星期二
今日忘記了食止痛藥，去到診所趴咗係床度至記得。
今日幫我洗傷口既姑娘仍然係尋日果個温柔姑娘，佢知道我無食止痛藥，問我要唔要返屋企食，我話唔洗就開始洗啦。
雖然已經催眠了自己放鬆肌肉，但無食藥真係比較痛，做做下姑娘停咗手，話：「bleeding緊，要等一陣。」跟住聽到靚靚姑娘講，話之前bleeding得仲多。
溫柔姑娘繼續剪走傷口既組織，有時突然「閃」一下好鬼痛，痛到我叫咗出來。温柔姑娘話今日就到此為止吧，真係可以痛到暈咗架。
我慢步拐下拐下咁行出房門口，有位診所呀姐叫我：「坐陣抖下先啦！」我坐下五至十分鐘才離開診所，返到屋企仲有痛就躺下來睡着了。
2016年 9月6日 星期二
今日忘記了食止痛藥，去到診所趴咗係床度至記得。
今日幫我洗傷口既姑娘仍然係尋日果個温柔姑娘，佢知道我無食止痛藥，問我要唔要返屋企食，我話唔洗就開始洗啦。
雖然已經催眠了自己放鬆肌肉，但無食藥真係比較痛，做做下姑娘停咗手，話：「bleeding緊，要等一陣。」跟住聽到靚靚姑娘講，話之前bleeding得仲多。
溫柔姑娘繼續剪走傷口既組織，有時突然「閃」一下好鬼痛，痛到我叫咗出來。温柔姑娘話今日就到此為止吧，真係可以痛到暈咗架。
我慢步拐下拐下咁行出房門口，有位診所呀姐叫我：「坐陣抖下先啦！」我坐下五至十分鐘才離開診所，返到屋企仲有痛就躺下來睡着了。
2016年9月5日 星期一
十架之路
靈修分享 - 十架之路
2016年 9月5日 星期一
最近跟一好友吹水談心，她心情惆悵感觸，因為週圍的摰友都同時害了癌病。
我認識的一位姊妹，丈夫過身才不過數月而已，此時卻發現自己身懷絕症，膝下還有一對小孤雛，我內心替姊妹非常糾結難過。
牧師說：「 正如約伯所言：人生的苦難如火星飛騰！苦難從來都是反理性，反邏輯的。為此上主從來不以理性和邏輯回應，卻親身進入苦難，與受苦的人同行，並展現了苦難中人可以剛強壯胆，懷著盼望向前走！」
我的聲音敏感於生活中帶來諸多不便，不至於死卻令我活得辛苦，做過治療但成效不大，我唯有學習與它共存，做唇齒相依的顆伴共同生活。牧師曾跟我說：「 聲音敏感可能是妳的十字架！ 」
路加福音9章23節《耶穌又對眾人說：「若有人要跟從我，就當捨己，天天背起他的十字架來跟從我。」》
我想，作為基督徒，無論是敬虔的、平信徒的、初信的……都是走在始於苦路，終於天父所賜的國。只是各人背附十架不同苦難遭遇迴異，真是有口難言有苦自己知，唯有天父深知你流了多少淚水，像伸手探入你肋骨中的筋與肉，窺探了你的靈與魂，治癒你內心的恐懼，陪你走進幽谷，培育你對祂依靠的信心。我們就如嬰孩學走路，邊痛邊跌邊拐邊流淚一步步地走出來。
我們什麼也沒有什麼也不是，就只屬於衪，單純地把明天，再一個明天，再後一個明天……交托然後繼續交托不住地交托，把空白的末來讓上帝用祂獨特的方法重新塑造一個漸新的你。
生命，無論是生是死，在上帝眼中都是永活的。
2016年 9月5日 星期一
最近跟一好友吹水談心，她心情惆悵感觸，因為週圍的摰友都同時害了癌病。
我認識的一位姊妹，丈夫過身才不過數月而已，此時卻發現自己身懷絕症，膝下還有一對小孤雛，我內心替姊妹非常糾結難過。
牧師說：「 正如約伯所言：人生的苦難如火星飛騰！苦難從來都是反理性，反邏輯的。為此上主從來不以理性和邏輯回應，卻親身進入苦難，與受苦的人同行，並展現了苦難中人可以剛強壯胆，懷著盼望向前走！」
我的聲音敏感於生活中帶來諸多不便，不至於死卻令我活得辛苦，做過治療但成效不大，我唯有學習與它共存，做唇齒相依的顆伴共同生活。牧師曾跟我說：「 聲音敏感可能是妳的十字架！ 」
路加福音9章23節《耶穌又對眾人說：「若有人要跟從我，就當捨己，天天背起他的十字架來跟從我。」》
我想，作為基督徒，無論是敬虔的、平信徒的、初信的……都是走在始於苦路，終於天父所賜的國。只是各人背附十架不同苦難遭遇迴異，真是有口難言有苦自己知，唯有天父深知你流了多少淚水，像伸手探入你肋骨中的筋與肉，窺探了你的靈與魂，治癒你內心的恐懼，陪你走進幽谷，培育你對祂依靠的信心。我們就如嬰孩學走路，邊痛邊跌邊拐邊流淚一步步地走出來。
我們什麼也沒有什麼也不是，就只屬於衪，單純地把明天，再一個明天，再後一個明天……交托然後繼續交托不住地交托，把空白的末來讓上帝用祂獨特的方法重新塑造一個漸新的你。
生命，無論是生是死，在上帝眼中都是永活的。
洗傷口 - (二)
洗傷口 - (二)
2016年 9月5日 星期一
戆直老公與蠢鈍老婆
尋晚照靚靚姑娘吩咐揾老公幫手洗傷口，老公話：「傷口好靚喎變咗白色好似棉花咁，出緊肉啦好小事啫，傷口深度得2mm至3mm左右。」
今日係第二位姑娘(溫柔型)接手同我洗，我照上一位靚靚姑娘既吩咐俾番尋晚洗完傷口後既照片俾佢睇，溫柔姑娘睇完呆一呆：「你做乜唔拎走舊棉花呀？」原來尋晚洗完等如無洗，老公用花灑唔係噴緊傷口，係噴住舊「棉花」。我問姑娘究竟傷口有幾深？原來有一個cm咁深。舊棉花係止血用來填滿個洞。我覺得好好笑囉！「棉花」係舊新肉，傷口2mm變咗1cm。
我趴起床度洗，溫柔姑娘繼續同我剪走洞內側邊深色既汚糟皮，我不吭一聲做催眠盡量放鬆肌肉減輕痛楚，姑娘：「無聲既，係米暈咗呀？」我擰擰頭。「忍唔忍到呀？可以唔使一次過起架，可以分多次做架。」「忍到，繼續。」
此時，尋日幫我洗傷口既靚靚姑娘入來，認到我個傷口。「咦！佢瞓起度認唔出係佢添，佢尋日好叻呀，趴係張凳度洗咋！」
溫柔姑娘問靚靚姑娘，點解成個傷口係黑色既，有經驗既靚靚答：「應該係佢當時bleeding得緊要，所以用咗好Xxxx(英文名唔識聽，應該係d止血既物質)。」「尋日都係我唔好，無講清楚叫佢拎走舊止血棉，佢老公又唔識睇。」
溫柔姑娘已停咗手，但靚靚姑娘卻按捺不住：「我忍唔到呀要起晒佢至得。」問我：「你仲忍唔忍到痛呀？」我點點頭表示可以。「今日仲有你自身既分泌物，一定要鉗晒佢出來，咁就會好好多架啦。」
靚靚姑娘同今日溫柔姑娘講：「佢真係好叻好忍得痛，三日咁短時間就可以揭開晒塊黑色野。」靚靚邊講邊不停咁捽我個窿窿。
靚靚姑娘教我：「去藥房買消過毒既紗布同棉花棒，用花灑噴住傷口十五分鐘同時用棉花棒捽個傷口，要特別捽走圓洞圍邊個度既汚糟野。噴完後用凍滾水再沖洗多次，然後用我俾你既葯膏，唧兩粒好似黄豆咁大咗右，大細用你手指尾塊指甲咁大度啦，薄薄地搽係個窿既平面度，側面就麻煩d，因為凹凸不平既關係，你要用手掹開佢搽藥膏，務求要搽到每一忽。之後就輪到你靠自己每日洗傷口，唔洗日日來診所，一星期來兩日就得架啦。
至於食野方面，千祈唔好飲魚湯尤其係生魚湯，有病人飲過魚湯返來後，傷口會產生一浸白色野。」「姑娘，我飲過雞湯同肉湯喎！」「雞湯唔好啦肉湯無所謂。盡量食多d生果，木瓜橙奇異果等。」
2016年 9月5日 星期一
戆直老公與蠢鈍老婆
尋晚照靚靚姑娘吩咐揾老公幫手洗傷口，老公話：「傷口好靚喎變咗白色好似棉花咁，出緊肉啦好小事啫，傷口深度得2mm至3mm左右。」
今日係第二位姑娘(溫柔型)接手同我洗，我照上一位靚靚姑娘既吩咐俾番尋晚洗完傷口後既照片俾佢睇，溫柔姑娘睇完呆一呆：「你做乜唔拎走舊棉花呀？」原來尋晚洗完等如無洗，老公用花灑唔係噴緊傷口，係噴住舊「棉花」。我問姑娘究竟傷口有幾深？原來有一個cm咁深。舊棉花係止血用來填滿個洞。我覺得好好笑囉！「棉花」係舊新肉，傷口2mm變咗1cm。
我趴起床度洗，溫柔姑娘繼續同我剪走洞內側邊深色既汚糟皮，我不吭一聲做催眠盡量放鬆肌肉減輕痛楚，姑娘：「無聲既，係米暈咗呀？」我擰擰頭。「忍唔忍到呀？可以唔使一次過起架，可以分多次做架。」「忍到，繼續。」
此時，尋日幫我洗傷口既靚靚姑娘入來，認到我個傷口。「咦！佢瞓起度認唔出係佢添，佢尋日好叻呀，趴係張凳度洗咋！」
溫柔姑娘問靚靚姑娘，點解成個傷口係黑色既，有經驗既靚靚答：「應該係佢當時bleeding得緊要，所以用咗好Xxxx(英文名唔識聽，應該係d止血既物質)。」「尋日都係我唔好，無講清楚叫佢拎走舊止血棉，佢老公又唔識睇。」
溫柔姑娘已停咗手，但靚靚姑娘卻按捺不住：「我忍唔到呀要起晒佢至得。」問我：「你仲忍唔忍到痛呀？」我點點頭表示可以。「今日仲有你自身既分泌物，一定要鉗晒佢出來，咁就會好好多架啦。」
靚靚姑娘同今日溫柔姑娘講：「佢真係好叻好忍得痛，三日咁短時間就可以揭開晒塊黑色野。」靚靚邊講邊不停咁捽我個窿窿。
靚靚姑娘教我：「去藥房買消過毒既紗布同棉花棒，用花灑噴住傷口十五分鐘同時用棉花棒捽個傷口，要特別捽走圓洞圍邊個度既汚糟野。噴完後用凍滾水再沖洗多次，然後用我俾你既葯膏，唧兩粒好似黄豆咁大咗右，大細用你手指尾塊指甲咁大度啦，薄薄地搽係個窿既平面度，側面就麻煩d，因為凹凸不平既關係，你要用手掹開佢搽藥膏，務求要搽到每一忽。之後就輪到你靠自己每日洗傷口，唔洗日日來診所，一星期來兩日就得架啦。
至於食野方面，千祈唔好飲魚湯尤其係生魚湯，有病人飲過魚湯返來後，傷口會產生一浸白色野。」「姑娘，我飲過雞湯同肉湯喎！」「雞湯唔好啦肉湯無所謂。盡量食多d生果，木瓜橙奇異果等。」
2016年9月2日 星期五
洗傷口 - (一)
2016年 9月2日 星期五
今日係個好有經驗既姑娘幫我洗傷口，幫我影咗兩張相，一張黑炆炆既係前，起晒汚糟野肉色果張係洗完後，佢話我個傷口唔正常，自己身體產生咗很多汚糟野同d黄色既分泌液體，正常應該有血出來但我卻沒有血，我問姑娘點解會有咁多汚糟野，佢答無得解，每個人都唔同。姑娘問我忍唔忍到痛，忍到就一次過幫我卒起晒d汚糟野出來，咁……我咪忍囉！
我感覺到姑娘用鉗仔剪我既皮膚，好核突又有痛楚，而家洗完個人散咗咯！ 洗完後，枱面紗布上有很肉色既粒粒野，我想影相但姑娘話呢d野無謂影啦。
姑娘教我由聽晚起，冲涼前影張相，揾屋企人用温水向傷口直噴十五分鐘，然後用煲過既凍滾沖洗番個傷口後再影相，睇睇洗前洗後既分別，然後用姑娘俾既無菌樽入面果塊沙布印乾淨個窿內既水，用乾淨既紗布包裹傷口，並用膠布貼住，星期一再返姑娘度洗傷口，佢會跟進番我。但每晚用清水灌洗傷口就要自己日日做。
姑娘仲話醫生係唔會叫你揾水沖傷口架，你聽我話去做就得啦。姑娘都有小小奇怪，點解唔洗返醫院覆診。又話有其他病人個傷口比我更大更深既都係教佢地自己用水灌洗。
訂閱：
文章 (Atom)