2016年 9月6日 星期二
今日忘記了食止痛藥，去到診所趴咗係床度至記得。
今日幫我洗傷口既姑娘仍然係尋日果個温柔姑娘，佢知道我無食止痛藥，問我要唔要返屋企食，我話唔洗就開始洗啦。
雖然已經催眠了自己放鬆肌肉，但無食藥真係比較痛，做做下姑娘停咗手，話：「bleeding緊，要等一陣。」跟住聽到靚靚姑娘講，話之前bleeding得仲多。
溫柔姑娘繼續剪走傷口既組織，有時突然「閃」一下好鬼痛，痛到我叫咗出來。温柔姑娘話今日就到此為止吧，真係可以痛到暈咗架。
我慢步拐下拐下咁行出房門口，有位診所呀姐叫我：「坐陣抖下先啦！」我坐下五至十分鐘才離開診所，返到屋企仲有痛就躺下來睡着了。
沒有留言:
張貼留言